हरिः ओम्

Sloka Text in Telugu , Kannada, Gujarati, Devanagari, English

સુંદરકાંડ.
અથ એકોનત્રિંશસ્સર્ગઃ

તથા ગતાં તાં વ્યધિતામનિંદિતામ્
વ્યપેતહર્ષાં પરિદીન માનસામ્|
શુભાં નિમિત્તાનિ શુભાનિ ભેજિરે
નરં શ્રિયા જુષ્ટ મિહોપ જીવિનઃ||1||

તસ્યા શ્શુભં વામ મરાળપક્ષ્મ
રાજીવૃતં કૃષ્ણવિશાલશુક્લમ્|
પ્રાસ્પંદતૈકં નયનં સુકેશ્યા
મીનાહતં પદ્મામિવાભિતામ્રં|| 2||

ભુજશ્ચ ચાર્વંચિત પીનવૃત્તઃ
પરાર્થ્યકાલાગરુચંદનાર્હઃ|
અનુત્તમે નાધ્યુષિતઃ પ્રિયેણ
ચિરેણ વામઃ સમવેપતાऽશુ||3||

ગજેંદ્રહસ્તપ્રતિમશ્ચ પીનઃ
તયોઃ દ્વયોઃ સંહતયોઃ સુજાતઃ|
પ્રસ્પંદમાનઃ પુન રૂરુ રસ્યા
રામં પુરસ્તાત્ સ્થિત માચચક્ષે ||4||

શુભં પુનર્હેમસમાનવર્ણ
મીષદ્રજો ધ્વસ્તમિવામલાક્ષ્યાઃ|
વાસસ્થ્સિતાયાઃ શિખરાગ્રદંત્યાઃ
કિંચિત્પરિસ્રંસત ચારુગાત્ય્રાઃ||5||

એતૈર્નિમિત્તૈઃ અપરશ્ચ સુભ્રૂઃ
સંબોધિતા પ્રાગપિ સાધુ સિદ્ધૈઃ|
વાતાતપ્લકાંત મિવ પ્રણષ્ટમ્
વર્ષેણ બીજં પ્રતિસંજહર્ષ||6||

તસ્યાં પુનર્બિંબફલાધરોષ્ટમ્
સ્વક્ષિભ્રુ કેશાંત મરાળ પક્ષ્મ|
વક્ત્રં બભાસે સિતશુક્લદંષ્ટ્રમ્
રાહોર્મુખાઃ ચંદ્ર ઇવપ્રમુક્તઃ||7||

સા વીત શોકા વ્યપનીત તંદ્રી
શાંતજ્વરા હર્ષવિવૃદ્ધસત્વા|
અશોભતાર્યા વદનેન શુક્લે
શીતાંશુના રાત્રિ રિવોદિતેન ||8||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુંદરકાંડે એકોનત્રિંશસ્સર્ગઃ||

|| ઓમ્ તત્ સત્||

|| Om tat sat ||